भदौ १० मा रसुवास्थित भोटेकोसी नदीमा आएको विनाशकारी बाढीपछि प्रभावित नागरिकको उद्धार, राहत तथा पुनःस्थापनाका लागि प्रधानमन्त्री दैवी प्रकोप उद्धार कोषमा ११ अर्ब बढी रकम सहयोग जुटिसकेको छ । कोषमा सङ्कलित कुल रकममध्ये दुई अर्ब आठ करोड रुपियाँ पहिलेकै बचत हो ।
बिज्ञापन
नेपालभित्र बैङ्क, वित्तीय तथा बिमासँग सम्बन्धित संस्थाहरू, जलविद्युत् आयोजना, कर्पोरेट हाउस र व्यक्तिगत रूपमा पनि ठुलो रकम योगदान गर्ने क्रम निरन्तर छ । सो कोषमा १६ वटा वाणिज्य बैंक र ९ वटा विकास बैंकले योगदान गरेका छन् ।
बिज्ञापन
सबैभन्दा बढी सुर्य नेपालले १५ करोड,चौधरी फाउण्डेसनको तर्फबाट १५ करोड,स्वतन्त्र उर्जा उत्पादक संघको तर्फबाट १३ करोड सहयोग रकम उपलव्ध गराइएको छ । यस्तै,संस्थागत रुपमा आइएमइ ग्रुप गोर्खा ब्रुअरीले १० १० करोड सहयोग गरेका छन् । व्यक्तिगत तबरबाट राजी राणाले १ करोड ९ लाख सहयोग गरेकी छिन् । प्रधानमन्त्री दैवी प्रकोप उद्धार कोषमा राजी राणाले व्यक्तिगततर्फ अहिलेसम्मकै ठुलो रकम सहयोग गरेकी हुन । यस्तै अंगला अमात्यले १ करोड ८ लाख,बिजयकुमार शाहले १ करोड सहयोग गरेका छन् । यसरी सहयोग गरेको रकममध्ये हिमालयन र लक्ष्मी सनराइज बैङ्कमा रहेको डलर खातामा विश्वभरबाट बाढीपछि एक करोड ९८ लाख अमेरिकी डलर अर्थात् दुई अर्ब ९९ करोड रुपियाँ सङ्कलन भएको छ ।
हालसम्मको तथ्यांक अनुसार, वाणिज्य बैंकबाट ४७ करोड ४८ लाख ११ हजार र विकास बैंकबाट ३ करोड ४६ लाख ७५ हजार रुपैयाँ प्रधानमन्त्री राहत कोषमा रकम जम्मा भएको हो। यसरी सहयोग गर्नेहरुमा ग्लोबल आइएमई बैंक ५ करोड,नेपाल इन्भेष्टमेन्ट मेगा बैंकले ४ करोड १ लाख,एनएमबि बैंकले ३ करोड ५१ लाख, नेपाल बैंकले ३ करोड १० लाख, कुमारी बैंकले ३ करोड,प्राइम कमर्सियल बैंकले ३ करोड १ लाख, हिमालयन बैंकले ३ करोड १ लाख, राष्ट्रिय वाणिज्य बैंकले ३ करोड, सानिमा बैंकले २ करोड २५ लाख, एभरेस्ट बैंकले २ करोड ५१ लाख, सिद्धार्थ बैंकले २ करोड ५१ लाख, एनआइसी एसिया बैंकले २ करोड २१ लाख, प्रभु बैंकले २ करोड ११ लाख ११ हजार १११ र माछापुच्छ्रे बैंकले २ करोड १ लाख रुपैयाँ सहयोग गरिसकेका छन् भने वाणिज्य बैंकमध्ये नबिल, स्ट्यान्डर्ड चार्टर्ड, नेपाल एसबिआई र सिटिजन्सले सहयोग गरेका छैनन् । विकास बैंकमध्ये कर्पोरेट डेभलपमेन्ट बैंक, गरिमा, ग्रीन डेभलपमेन्ट, सिन्धु विकास, नारायणी, एक्सेल र सप्तकोसीले डेभलपमेन्टले कोषमा रकम जम्मा गरेका छैनन्।
